RSS
Twitter
Facebook
මානව ශිෂ්ටාචාරයේහි පළමු වැදගත් සොයා ගැනීම වූයේ ගින්දරයි.ශිලා යුගය එඩේර යුගය ,ගොවි යුගය ආදී යුග යුග පසු කරමින් පැමිණි මිනිසා කාලයාගේ ඇවෑමෙන් නිමවූ විශ්මිත නිමවුම් රැසකි. ඒ අතුරින් මුදල් යනු මිනිස් ජීවිතය මිනිසාටද නොදෙනුවත්වම අතික්‍රමණය කල විශ්මිත සොයාගැනිමකි
මුල් කාලීනව භාණ්ඩ හුවමාරු ආර්ථික හෙවත් බාටර් ආර්ථික තුලින් මිනිසාගේ ආර්ථික ජීවිතය අවරණය වූ අතර මෙය ගැටළු රැසක් මතුකරන්නට තුඩු දුන් හේතුවක් විය.වුවමනාවන්ගේ ද්වික සමපාතයක් තිබිය යුතු වීම , ආර්ථික ගනුදෙනු ප්‍රසාරණය නොවීම , ආර්ථික වෘද්ධියට බාධා ඇති වීම , නිෂ්චිත හුවමාරු අනුපාතය නොමැති වීම,සේවාවන් හුවමාරු කර ගැනීම වඩාත් දුෂ්කර වීම යන ආදී ආර්ථික දුෂ්කරතා මෙහිදී මතු වූ අතර ,විනිමය මාධ්‍යක අවශ්‍යතාව මිනිසාට දන්වන්නට එයම හේතු විය.ඒ අනුව විරල පාෂණ වර්ග , සිප්පිකටු , ලුණු ආදිය ආරම්භයේදී විනිමය මාධ්‍යක් ලෙස යොදා ගත් අතර , දෙවන අවදිය වන විට රන්කාසි , රිදී කාසි , මසුරන් , කහවනු ආදිය දක්වා මේවා වර්ධනය විය.ක්‍රමිකව සිදු වූ තාක්ෂණිකව උන්නතියත් සමගව විශ්වයම පිළිගත් විනිමය මාධ්‍යක් නිර්මාණය වූ අතර එය මුදල නම් විය.ප්‍රධාන කාර්යන් 4ක් ද මූලික ගුණාංගයන් රාශියක්ද මම විනිමය මාධ්‍ය සතු විය.හුවමාරු මාධ්‍යක් ලෙස ක්‍රියා කිරීම මුදලේ ප්‍රධානතම කාර්ය වූ අතර , ගිණුම් ඒකකයක් ලෙස ක්‍රියා කිරීම , වටිනාකමේ සන්නිධියක් ලෙස ක්‍රියා කිරීම , හා විලම්භීත ගෙවීම් මාධ්‍යක් වශයෙන් ක්‍රියා කිරීම මුදලේ ද්විතික කාර්යක් විය.
විනිමය මාධ්‍යක් ලෙස ක්‍රියා කරන ඕනෑම දෙයක් මුදල් වශයෙන් ආර්ථික විද්‍යාවේදී නිර්වචනය වන අතර මුදල් වර්ග රැසක් එම නිර්වචනය ඔස්සේ ඉදිරිපත් කර ඇත.පූර්ණ මුදල් , නියෝජ්‍ය පූර්ණ මුදල් , ආසන්න මුදල් ආදී වශයෙන් වන මුදල් වර්ග අතර මුහුණත අගයට සමාන අභ්‍යන්තර අගයක් නොමැති , නිල වටිනාකම් සදහා හුවමාරු වන මුදල් නිමිති මුදල් හෙවත් කඩදාසි මුදල් ලෙස හදුන්වයි.මේවා වලංගු නීත්‍යානුකුල මුදල් වශයෙන් පිලි ගන්නේ රජය මගින් නියෝගයක් නිකුත් කොට ඇති නිසාත් මහ බැංකුව විසින් නිකුත් කරන නෝට්ටුවේ එය ලිඛිතව සටහන් කර ඇති නිසාත්ය.ගනුදෙනු චේතනාව , ආරක්ෂණ චේතනාව ආදී චේතනාවන් ඔස්සේ ඉල්ලුමක් ඇති වන මෙම මුදල් සතුව විනිමය මාධ්‍යක් සතුව පවතින යහපත් ලාක්ෂනිකයන් රැසක් අන්තර්ගත වේ.පොදු පිළිගැනීමක් පැවතීම , එහා මෙහා ගෙනයාම පහසු වීම , කුඩා කොටස්වලට බෙදීමේ හැකියාව , කල්පැවැත්ම , අනුකරණ මුදල් නිකුතුව අපහසු වීම.සිමා සහිත වීම , සමජාතීය බව හා වටිනාකම ස්ථාවරම පැවතීම මෙහිලා වැදගත් කොට සැලකිය හැකිය.
විනිමය මාධ්‍යක අවශ්‍යතාව මත මුල් කාලයේදී මුදල බිහිවුවද හුදෙක්ම ඒ ඔස්සේ හුවමාරු වූයේ භාණ්ඩ හා සේවා පමණකි.කාලයේ ඇවෑමෙන් විශ්ව ගම්මානය වාණිජකරණයට නතු වූ පසු මිනිස් හදවතෙහි මනුෂ්‍යත්වයෙන්ම සිදුකරන ලද ආයෝජනයන් පවා මිලදී ගන්නට මුදලට හැකි වීය.විශ්වයහි පැවැත්ම වුවද වෙනස් කල හැකි , මිනිස් ශක්තිය ඉස්මතු කරන්නට ලොව ඇති අන් සියලු ශක්තීන්ට වඩා මුදලට සානුබලය වී ඇත.මිනිසාගේ මූලික අවශ්‍යතා අතර සුසුම පමණක් අප මුදලට නොගන්නා අතර නුතන ලෝකයෙහි නොමිලයේ ලැබෙන සුසුම වුවද නිදහසේ ලබා ගැනීමට ඇති අයිතිය දිනා ගත හැක්කේ මුදල තුලින්ය.සජීවී මිනිසුන්ගේ මනුෂ්‍යත්වය පවා උදුරා ගත හැකි අජීවී ද්‍රව්‍යක් වූ මුදල් වාතය , ජලය ආහාර යන මූලික මිනිස් අවශ්‍යතා අතරට මේ වන විටත් එක් වී ඇති බව පිළිගත නොහැකි වන්නේද ?
By Nadun Anupama
0 comments